GoGo Blog

Шаналаж байгаа хэрнээ

http://brain_washer.blog.gogo.mn — Sun, 5 Feb 2012 17:06:46 ULAT

Шаналаж байгаа хэрнээ өөрийгөө аз жаргалтай мэтээр төсөөлж буй би үнэхээр солиоржээ. Өөрийхөө тархийг угаамаар байна. Ямар ч бохирдолгүй цэвэрхэн гялалзтал нь угаамаар байна. Би нэг л сонин болчихжээ. Яах вэ?

Дахиад л тархи угаана даа

http://brain_washer.blog.gogo.mn — Sun, 29 Jan 2012 16:45:01 ULAT

Би тархи угаагч. Өөрийгөө үгүй хийхийг хүссэн хэдий ч чадсангүй. Блог гэх ертөнцөд өөрийн эзлээгүй байр сууриа тархи угаагч хэмээн томоор бичүүлэн мөнхрөхийн төлөө эргэн ирлээ. Ухаарал, гэмшил ер нь бүх л эргэцүүллийг та нартаа өгөхөөр ирлээ. Одоо би дахиад л тархи угаана даа...

хамгийн сүүлчийн удаа тархийг чинь угаах гээд үзье...

http://brain_washer.blog.gogo.mn — Sat, 3 Sep 2011 15:16:33 ULAT

хамгийн сүүлчийн удаа тархийг чинь угаах гээд үзье... чадахгүй бол зайлъя. намайг хайрласан хүнийг хайрланаа гэж хүн бүр хэлдэггүй ч ямар ч байсан өөрийг нь хайрласан хүнийг үзэн яддаггүй юм. гэхдээ тэр хайр нь чинь сэтгэлээсээ байж бусдын зүрхэнд хүрдэг юмдаа: амьдралын утга учрыг сайн таних болоогүй ч өөрийн мэдсэн бүхнээрээ л хүн бүрт амьдралын сайн сайхан зүйлсийг нь аминачилан шивнэдэг байлаа... (магадгүй сүүлчийн бичлэг)

зүрхээрээ л сонсдог

http://brain_washer.blog.gogo.mn — Fri, 29 Jul 2011 15:53:14 ULAT

амьдралыг яагаад үзэн ядаж болохгүй гэж...

http://brain_washer.blog.gogo.mn — Fri, 29 Jul 2011 15:44:03 ULAT

хуурамч гэмээр ертөнц хоосон гэмээр цогцос, энэ амьдралыг үзэн ядаж болохгүй юмуу яагаад болохгүй гэж. намайг төрүүлсэн хорвоо ч гэсэн би үзэн ядмаар байна. намайг зовоосны төлөө намайг үзэн ядсаных нь төлөө би үзэн ядъя. миний амьдралыг тоглоом болгосон амьдралыг үзэн ядъя. яадгийн би үзэн ядаж чадна.

би сэрлээ...

http://brain_washer.blog.gogo.mn — Thu, 21 Jul 2011 17:49:43 ULAT

унтаж байсан тархи сая сэрж байна. цус хурж айдас дагуулсан зүүд одоо өндөрлөсөн. одоо би зүүднээсээ сэрж байна. бодит амьдралд эргэн орж хараал идсэн хар дарсан зүүдэндээ баяртай гэж хэлж байна...

Энэ зочин уу...

http://brain_washer.blog.gogo.mn — Wed, 8 Jun 2011 10:33:54 ULAT

би ч шинэхэн блогчинлдоо, гэхдээ л энэ хэсэгхэн хугацаанд нилээд хэдэн хүнийг зүс биш нэр таних болоод байна. тэр дунд ЗОЧИН гэж нэг сонин нөхөр байнаа. би лав тэрний тухай юу ч мэдэхгүй. тэр эмэгтэй юу эрэгтэй юу хэдэн настай гээд л... юу ч мэдэхгүй паг нойл. хүмүүсийн блогоор хэсдэггүй болохоор зочинг блогтой үгүйг ч мэдэхгүй бас хүмүүсийн блогоор байнга тэнүүчилдэг энэ этгээд нэгнийг ойлгохгүй л юм. эсвэл энэ GOGO блогийн бас нэг админ нь ч юм болов уу гэж бодох юм даа. ай мэдэхгүй ямартай ч ЗОЧИН гэж хүн байгаад байгаа юмаа...

Мөрөөдөхөд илүүдэхгүй

http://brain_washer.blog.gogo.mn — Wed, 8 Jun 2011 10:24:15 ULAT

Би яг одоо мөрөөдөж байна, чиний булбарай уруулыг зөөлхөн үнсэж балын амтыг мэдэрч буйгаар мөрөөдөж байна. Хотын гудмаар хөтлөлцөн алхаад л хамтдаа нэгэн цэцэрлэгт тэврэлдэн суугаад л би мөрөөдөж байна. Биелсэн ч биелээгүй ч мөрөөдөл илүүдэхгүй. Би мөрөөдсөөр, үүрд мөрөөднө.

сонсоод л баймаар...

http://brain_washer.blog.gogo.mn — Wed, 8 Jun 2011 10:17:01 ULAT

тархи угаадаг дуу /2pac - Dear Mama/

Уруулд чинь

http://brain_washer.blog.gogo.mn — Fri, 3 Jun 2011 08:48:15 ULAT

Удалгүй ирсэн дурлалаараа уруулд чинь уусъя

Ундаассан зүрхний хураараа уруулд чинь уусъя

Удаалгүй хайрласан зүрхээрээ уруулд чинь уусъя

Ургасан хайрын бодлоороо уруулд чинь уусъя

Намрын нарны илчээрээ уруулд чинь уусъя

Нандин хүслийн балаараа уруулд чинь уусъя

Насны ганцхан сэтгэлээрээ уруулд чинь уусъя

Нартад ховорхон хайраараа уруулд чинь уусъя

Хослох сэтгэлийн хүслээрээ уруулд чинь уусъя

Ховор хэлэх шүлгээрээ уруулд чинь уусъя

Хонон хүлээсэн итгэлээрээ уруулд чинь уусъя

Холын салхины дуугаараа уруулд чинь уусъя

Сайхан учирлын харцаараа уруулд чинь уусъя

Салахын аргагүй ирээдүйгээрээ уруулд чинь уусъя

Санаад хүлээх өөрөөрөө уруулд чинь уусъя

Сандарч үнссэн үнсэлтээрээ уруулд чинь уусъя.

Замын түгжрээ

http://brain_washer.blog.gogo.mn — Fri, 3 Jun 2011 08:46:30 ULAT

Эрт гарах ёстой замын түгжрээ

Энд ирээд гацчихлаа замын түгжрээ

Бухимдагсад салаавч гозойлгоно замын түгжрээ

Буурлууд хуйхаа майжина замын түгжрээ

Цагдаа ах дохиур эргүүлнэ замын түгжрээ

Царайлаг эгч хэлээ хазна замын түгжрээ

Улаан гэрэл мөнхөд асна замын түгжрээ

Удаан явдал цааш үргэлжилнэ замын түгжрээ

Элбэгээ хажуугаар сүнгэнэнэ замын түгжрээ

Эгэл бид харсаар хоцорно замын түгжрээ

Алхаж явсан нь ононо замын түгжрээ

Аахилсаар хоцрох машинууд хохирно замын түгжрээ

Энд тэнд уур бухимдал замын түгжрээ

Эсрэгээрээ бас инээд байна замын түгжрээ

Цонхоор хөөрхөн охин харагдана замын түгжрээ

Цоо ширтсээр хоцроно замын түгжрээ

Алхам газарт такси үнэрхэнэ замын түгжрээ

Ахих бүрт хэтэвч нимгэрнэ замын түгжрээ

Ямбатны ялгаа ядуусын зовлон замын түгжрээ

Яахын аргагүй Монгол түгжирнэ замын түгжрээ.

Дээвэр дээр шөнөжин суудаг ах

http://brain_washer.blog.gogo.mn — Fri, 3 Jun 2011 08:44:57 ULAT

Дээвэр дээр шөнөжин суудаг ах

Дэндүү их шаналсан хөөрхий ах

Хөндий цээжиндээ зүрх ч үгүй ах

Хөрсөн сэтгэлдээ хайр ч үгүй ах

Хорвоод үлдсэн сүүлчийн цэцгийн дэлбээ

Хонгорхон хайрын эцсийн ганц навч

Үхсэн мэт царайтай зовсон нэгэн

Үнэнч сэтгэл нь тоглоом болсон хүн

Саргүй шөнө ганцаараа л ярьж байдаг

Салхин дундаас зүрхээ ирж байдаг

Хорвоог харааж зүхээд ганцаараа уйлна

Хоолой дээр нь бодлын бороо шаагина

Хүсэл алгаа амьдрах гээд дээврээс үсэрлээ

Хүн болж төрөхгүй л юмсан гээд үхчихлээ

Хүүр болон хэвтэх хөөрхий бие нь

Хүсэлдээ дарагдсан нулимсыг хорвоод шингээлээ

Одоо тэр ах байхгүй болчихсон

Орчлон хоргоос минь нисээд одсон

Охин биенд л өгсөн тэр зүрхээ

Орхиод явахдаа нулимсаа арчиж байсан.

Ганц шөнө

http://brain_washer.blog.gogo.mn — Fri, 3 Jun 2011 08:43:57 ULAT

Ганцхан шөнө ирсэн гуа бие

Гансарсан зүрхийг минь нивчлээ

Гайт хорвоо дахь миний цогцос

Гайхам сайхан хүсэлд автлаа

Сартай шөнө тэр бүсгүйн өврийг тэмтрэхдээ

Сайхан гэзгийнх нь дунд төөрч явлаа

Онгон танхил биенд нь уусч

Орчлон хорвоогоос тасарч үзлээ

Үнсэхэд ялдам ягаахан уруулынх нь

Үүрдийн мэдрэмж зүрхэнд минь шингэлээ

Үлгэрийн мэт сайхан гуаг

Үзүүрт хаданд сийлж мөнхөллөө

Эхний болоод сүүлчийн мэдрэмж

Энгэрийн товчыг алгуурхан мулталлаа

Энэрэлт хорвоогийн ганцхан мөчийн жаргал

Энэхэн биенд минь тунан хоцорлоо

Навчин хэлхээсээр билхүүс юүгээн далдалсан ч

Нандин эмзэг хэсгийг нь тэмтэрлээ

Нарийхан биений хурцхан харцаараа

Намрын навчис шиг биеэр минь эрхэллээ

Амьгүй цагаан хуруугаа хөдөлгөж

Алтан сайрт зүрхийг минь эзэмдлээ

Ахиж мэдрэхгүй тэр л амт

Ам юүгий минь булаалаа

Хонгор сайхан бүсгүйн биенд

Хорогдох тусам зүрх минь үхжинэ

Хоосон буйд үүссэн тачаал

Холын салхинд шингэн замхарлаа.

Намайг боолоо болгосон бодлын минь хуурамч инээмсэглэл

http://brain_washer.blog.gogo.mn — Thu, 2 Jun 2011 18:21:06 ULAT

Час улаан зүрх минь хүчгүйдэж тас хар тархины боол болон би жингүүдэхэд:

Охин үрийг дурлалаараа хайрлахдаа, асаж байсан зүрхнийхээ галаа мөхтөл би түүнд эзэмдүүлнэ. Тэр охины дурлал хэтэрхий сохор тийм болоод ч хайрандаа толгой нь эргэж, нүд нь улайран дугуйрсан намайг өнгөцхөн төдий ч зүрхэндээ дүрслээгүй. Хайртай гэж би хэлж зүрхлээгүй учир нь би хэлгүй. Бие эрхтний хэл биш дурлалын хэл аль хэдийнээ тэр охинд сэтгэл алдрахад тасарчихсан. Би хайрын хэлгүй, тэр хайрын нүдгүй тэгэхээр бид хоёр хайрын тахир дутуучууд. Бодол минь намайг боолчилж, час халуун бас шовх үзүүрт чөтгөрийн сэрээгээр үе үе хатгана. Хайрын хэлгүй ч гэсэн хайраа илчилж, хайрын сохор тэр охины зүрхэнд ханхүүгийн дүрээр үзэгд гэж өнөөх миний бодол эцсийн тушаалыг өгнө. Харин “энэ тушаал амь насны бооцоотой шүү” гээд бодол минь хуруугаа мэрэн хяслантай инээнэ.

Хайртай бүхнийхээ төлөө

http://brain_washer.blog.gogo.mn — Thu, 2 Jun 2011 18:13:23 ULAT

Хорвоо өөрөө надад чи энэ бүхнийг хайрла гээд тэр хүмүүсийг бас тэр зүйлсийг илгээсэн юм болов уу. Төрж өсч бас үхэх энэ эх орон, юунаас ч үнэтэй мал сүрэг, хааяа л нэг очидог ч үзэсгэлэн төгс хөдөө нутаг, бүхий л амьдрал минь өрнөсөн нийслэл хот. Би бүгдэд нь хайртай. Хэн бүхнээс эрхэм миний ээж, нас дээр гарсан миний эмээ, аль хэдийнээ тэнгэрт очсон миний өвөө, дэргэд минь байдаг ах эгч ба дүү нар минь, сэтгэлээ нээдэг ганцхан миний гэх жинхэнэ андууд, зүрхээ уудлан хайраа илчилж амжаагүй миний хайрладаг охин. Би бүгдэд нь хязгааргүй хайртай. Цаг мөч бүрт би тэднийг хармалж, хэн нэгэн тэднийг минь харааж зүхэхэд зүрх савалж би бачуурдаг. Тэднээсээ хол байж чадахгүй би бүгдийг нь санана. Нөмөр нөөлгийг нь санана, халуун дулаан сэтгэлийг нь санана. Юунаас ч эрхэм юунаас ч илүү юунаас ч нандин, хайртай бүхнийхээ төлөө би юугаа ч өгнө.

би чадаагүй...

http://brain_washer.blog.gogo.mn — Tue, 31 May 2011 13:48:52 ULAT

өөр хэн нэгнийг хайрлах гэж оролдсон үнэхээр бүтээгүй. чамтай минь тэр охидуудыг харьцуулахад чи минь аргагүй л ариухан гүнж юм даа. би өөр хүнийг бодох гэж чамайг мартах гэж зөндөө үзсэн гэвч юу ч бүтээгүй, би чадаагүй

Хэлж чаддаггүй хайр минь

http://brain_washer.blog.gogo.mn — Sun, 22 May 2011 17:02:29 ULAT

Хайртайгаа хэлж чадахгүй зүрх минь чичирч

Хаврын анхны яргуй шиг хайр минь дэлбээлж

Харсаар л өнгөрсөн олон өдрийн наран надад агсамнаж

Хааяахан зүгээр л ширтсээр өнгөрөхөд чи инээмсэглэж

Дурласныг минь чи харцнаас минь хараад итгэж

Дуугүйхэн зөрөөд өнгөрөхөд чи надаас хайрын үг хүсэж

Дуулим хорвоод учирал бүр хэцүү байсанд би гомдож

Дусах бороогоор л хайраа илчилэхийг би хүснэ.

Хөөе бурхан чи эрүүл үү?

http://brain_washer.blog.gogo.mn — Sun, 22 May 2011 16:47:40 ULAT

Ээ энэ дэлхий чинь энд тэнд учирах дурлал, наана цаана үүсэх зөрлөг, хааяа хааяа мэдрэх шаналалаар дүүрэн болохоороо алаг гэгддэг юм болов уу? Анхны хайр минь ангийн охин байж, түүндээ тоогдож бас гологдохдоо би шаналсан хэдий ч өнөөдөр шиг зовоогүй. Ахин дахин олон дурлалтай учирч, бүтсэн бүтээгүй хэдэн үерхлийг амссан ч би өнөөдөр шиг харамсаагүй. Хаяж гээж олон зүйлээ алдсан ч өнөөдөр шиг би тэднийг харамлаагүй. Хараалгаж, цүхүүлж өө бас хэн нэгнээр үзэн ядуулсан ч би өнөөдөр шиг гутраагүй. Учир нь өнөөдөр бас өчигдөр бас тэрний өмнөх өдөр гээд энэ хэдэн хоног хэдэн сард новшын бурхан нь шал согтуу байсан байх. Яагаад гэж асуух хэрэггүй. Тэр бурхан архины халуунаар дурласан охиндоо хайртай гэж хэлэх зоригийг минь бөхөөж, дурласан охиныг минь хаашаа ч юм нууж, хэд хоног надтай учируулаагүй. Би бүр бачуурч байж ядсаар, тархи хорсож зүрх тонгочсон. Ер нь “хөөе бурхан чи эрүүл үү”

Үдэлтийн үнсэлт гэмээр цас

http://brain_washer.blog.gogo.mn — Sun, 22 May 2011 13:55:10 ULAT

Шөнө бороо орж зүрх өөрөө алгуурхан догдолсон. Учир нь аливаа шинэ бүхэн ирэх тэр зааг дээр хүн болгон догдолдог. Шинэ хайр ирэх мэт л догдлол. Нэг л мэдэхэд үүрээр бороо цас болон орж өнөөх цас “намайг та нар мартаа юу?” гэсэн янзаар зөндөө удаан орсон. Хайраасаа хагацахдаа, хайрт нь шинэ хайрыг амсахаар нисэн одоход, хоёр сэтгэл холдоход төрдөг мэдрэмж энэ цасанд шингэжээ. Зөндөө удаан уулзахгүй шүү дээ гээд удаан үнсдэг шиг л энэ цас удаан хаяллаа. Аргагүй үдэлтийн үнсэлт гэмээр цас юм даа.

Уйлж болох уу?

http://brain_washer.blog.gogo.mn — Sun, 22 May 2011 13:48:10 ULAT

Дахиад л би түүнийг бодон ганцаардаж, ойрд түүний царайг хараагүйдээ шаналж байна. Хэтэрхий их санаж хэтэрхий их хайрлаж хэтэрхий их шаналж байгаа болохоор нулимс минь өөрийн эрхгүй асгарах гээд л... өөрөө өөрийгөө цүхсээр. Дэргэдүүр нь бүр ганцхан алхмын зайтай хэчнээн их зөрж өнгөрлөөдөө. Тэр үед л би чамд сайн үгүй ээ хайртай гээд хэлчихэж чададгүй. Ийм л зориггүй новш юм даа гэж өөрийгөө хараасаар. Хайрын дуу сонсохоор түүний царай шууд нүдэнд торж бас би догдлоод л. Олон янзын мэрэг төөргөөр чамайг надад ирэх нь үү гэж үзсээр л... сонсож байгаа дуу минь чиний бас миний тухай мэт сонсогдоод, би ганцаараа байж чамайг бодохыг хүсээд л, орой эрт унтаж чамайг зүүдлэхийг ч бас хүсээд. Яг галзуурлаа өмнө нь сайн байсан охин одоо аль хэдийнээ мартагдаж чи л бодогдоно. Одоо би айхгүй би чадна гээд чамтай таарахыг хүссэн ч золгүй би чамтай учирахгүй л байна. Яг солиорлоо...